ᱟ.ᱭᱠᱟ.ᱣ ᱡᱚᱝ ᱜᱮ
ᱛᱚᱠᱟᱨᱤᱧ ᱜᱷᱮ°ᱴ ᱫᱚᱦᱚᱭ ᱱᱚᱣᱟ ᱯᱷᱟ.ᱜᱩᱱ ᱵᱚᱝᱜᱟ ᱨᱮᱱᱟᱜ ᱨᱮᱭᱟᱲ ᱦᱤᱥᱤᱫ ᱦᱚᱭ !
ᱛᱚᱠᱟᱨᱤᱧ ᱨᱮᱵᱮᱫ ᱫᱚᱦᱚᱭ ᱵᱟ.ᱫ ᱟᱲᱮ ᱠᱟ.ᱥᱤ ᱵᱟᱦᱟ ᱯᱚᱲᱚᱭ ᱯᱚᱲᱚᱭ !
ᱛᱚᱠᱟᱨᱤᱧ ᱯᱩ°ᱡᱤᱭᱟ ᱵᱟᱜ ᱡᱩᱞᱩᱝ ᱠᱚᱣᱟᱜ ᱧᱤᱱᱫᱟ. ᱡᱩᱞᱩᱜ ᱛᱟᱨᱟᱥ !
ᱛᱚᱠᱟᱨᱤᱧ ᱛᱚᱯᱟ ᱠᱟᱜ ᱯᱩᱭᱞᱩ ᱡᱟ.ᱲᱤ ᱚᱠᱛᱚ ᱫᱷᱩᱲᱤ ᱦᱟᱥᱟ ᱨᱮᱱᱟᱜ ᱱᱟᱥᱮ ᱥᱚᱱᱫᱷᱟᱲ ᱥᱚ !!
ᱪᱤᱠᱟ.ᱧ ᱦᱟᱞᱟᱝ ᱡᱚᱝ ᱯᱤᱯᱤᱲᱤᱭᱟ.ᱝ ᱯᱷᱟ.ᱠᱬᱟ.ᱜ ᱨᱮᱱᱟᱜ ᱟᱨᱟᱜ ᱞᱤᱞ ᱴᱤᱠᱞᱤ !
ᱪᱤᱠᱟ.ᱧ ᱜᱚᱪᱷᱟ ᱡᱚᱝ ᱞᱟᱯᱷᱟᱝ ᱥᱮᱨᱢᱟ ᱨᱤᱱ ᱪᱤᱨᱤᱡ ᱵᱤᱛᱨᱤᱡ ᱤᱯᱤᱞ !
ᱪᱤᱠᱟ.ᱧ ᱥᱟᱞᱟ ᱡᱚᱝ ᱥᱮᱛᱟᱜ ᱥᱤᱥᱤᱨ ᱨᱮ ᱡᱷᱟᱞᱠᱟᱣᱜ ᱡᱷᱤᱞ ᱢᱤᱞ ᱫᱷᱤᱨᱤ !
ᱪᱤᱠᱟ.ᱧ ᱛᱤᱭᱩᱜ ᱡᱚᱝ ᱞᱤᱴᱟ. ᱟᱜ ᱨᱮ ᱢᱮᱱᱟᱜ ᱚᱨᱚᱱ ᱵᱚᱨᱚᱱ ᱨᱚᱝ ᱯᱤᱴᱟ.ᱨᱤ !!
ᱪᱤᱠᱟ.ᱧ ᱩᱰᱟ.ᱣ ᱠᱮ ᱦᱩᱱᱟ.ᱝ ᱦᱮ°ᱫᱮ ᱨᱤᱢᱤᱞ ᱨᱮ ᱫᱩᱲᱩᱵ ᱠᱟᱛᱮ !
ᱪᱤᱠᱟ.ᱧ ᱫᱟᱬᱟ ᱠᱮ ᱦᱩᱱᱟ.ᱝ ᱜᱟ.ᱦᱤ°ᱨ ᱫᱚᱨᱭᱟ ᱫᱟᱜ ᱵᱷᱤᱛᱤᱨ ᱨᱮ !
ᱪᱤᱠᱟ.ᱧ ᱟᱱᱡᱞᱮ ᱠᱮ ᱦᱩᱱᱟ.ᱝ ᱵᱟᱦᱟ ᱞᱮᱠᱟ ᱡᱩᱞᱩᱜ ᱥᱮ°ᱜᱮᱞ !
ᱪᱤᱠᱟ.ᱧ ᱵᱩᱡᱷᱟ.ᱣ ᱠᱮ ᱦᱩᱱᱟ.ᱝ ᱪᱮᱬᱮ ᱪᱤᱯᱨᱩᱜ ᱠᱚᱣᱟᱜ ᱨᱚᱲ ᱪᱮᱨ ᱵᱮᱨ !
ᱛᱚᱠᱚᱭ ᱫᱚᱭ ᱞᱟ.ᱭᱟ.ᱧ ᱥᱤᱨᱡᱚᱱᱤᱭᱟ. ᱦᱟᱜ ᱛᱟᱦᱮᱱ ᱴᱷᱟᱶ ᱥᱮᱱᱚᱜ ᱦᱚᱨ ᱫᱚ ᱚᱠᱟ !
ᱠᱩᱞᱤ ᱡᱚ° ᱟ.ᱧ ᱦᱩᱱᱟ.ᱝ ᱱᱩᱱᱟ.ᱜ ᱱᱟᱯᱟᱭ ᱫᱷᱟ.ᱨᱛᱤ ᱪᱮᱠᱟᱭ ᱥᱤᱨᱡᱚᱱ ᱠᱮᱫ ᱟ !
ᱠᱩᱠᱢᱩ ᱫᱚ ᱱᱤᱛ ᱠᱟᱱᱟ, ᱟᱜᱟᱢ ᱠᱟᱱ ᱪᱮ ᱱᱟᱜᱟᱢ ᱠᱟᱱᱟ !
ᱤᱧ ᱫᱷᱟ.ᱨᱛᱤ ᱨᱮ ᱚᱢᱚᱱ ᱟᱬᱜᱚᱤᱧ ᱨᱮᱱᱟᱜ ᱩᱭᱦᱟ.ᱨ ᱫᱚ ᱪᱮᱫ ᱠᱟᱱᱟ !
ᱛᱷᱩᱢ ᱦᱩᱱᱟ.ᱝ ᱤᱧ ᱠᱚᱭ ᱛᱟᱨᱟᱭᱮ...
ᱱᱚᱣᱟ ᱫᱷᱟ.ᱨᱛᱤ ᱨᱮᱱᱟᱜ ᱡᱚᱵᱨᱟ ᱡᱷᱟ.ᱴᱤ ᱠᱷᱚᱱ ᱫᱤᱱ ᱜᱮ ᱥᱟᱦᱟ ᱨᱮ ᱫᱚᱦᱚ ᱠᱟᱧ ᱢᱟᱭ !
ᱟᱡᱟᱜ ᱥᱤᱨᱤ°ᱡ ᱨᱮᱱᱟᱜ ᱱᱟᱯᱟᱭ ᱜᱚᱰᱷᱚᱱ ᱡᱚᱜᱟᱣ ᱡᱚᱛᱚᱱ ᱦᱚᱨ ᱜᱮ ᱵᱟᱲᱮ ᱩᱫᱩᱜ ᱟ.ᱧ ᱢᱟᱭ !
ᱥᱟ.ᱨᱤ ᱜᱮ ᱱᱤᱨᱚᱲ ᱜᱚᱰᱷᱚᱱ ᱫᱚ...
ᱠᱚᱭ ᱛᱮ ᱦᱚ° ᱵᱟᱭ ᱧᱟᱢᱚᱜ ᱠᱤᱨᱤᱧ ᱛᱮ ᱦᱚ° ᱵᱟᱝ !
ᱜᱚᱫ ᱛᱮ ᱦᱚ° ᱵᱟᱝ ᱜᱟᱱᱚᱜ ᱜᱚᱪᱷᱟ ᱛᱮ ᱦᱚ° ᱵᱟᱝ !
ᱡᱚᱠᱷᱚᱱ ᱚᱯᱮᱞᱟᱠᱟᱱ ᱨᱮ ᱠᱩᱠᱢᱩ ᱞᱮᱠᱟ ᱜᱟᱱᱚᱜ ᱧᱮᱞ ᱡᱚᱝ ᱜᱮ ᱟᱨ ᱵᱟᱝ ᱟ.ᱭᱠᱟ.ᱣ ᱡᱚᱝ ᱜᱮ !
ᱢᱮᱱᱟᱢ ᱡᱚᱠᱷᱚᱱ ᱫᱦᱟ.ᱨᱛᱤ ᱨᱮ ᱧᱮᱞ ᱡᱚᱝ ᱢᱮ ᱡᱤᱵᱚᱱ ᱟ.ᱭᱠᱟ.ᱣ ᱡᱚᱝ ᱢᱮ !!
~ᱥᱚᱠᱩᱱᱛᱚᱲᱟ ᱢᱟ:ᱨᱰᱤ